У Вікіпедыі ёсць артыкулы пра іншых асоб з прозвішчам Богдан.
Васіль Генрыхавіч Богдан (нар. 1974) — беларускі ўрач-хірург. Доктар медыцынскіх навук (2014), прафесар, падпалкоўнік медыцынскай службы[2].
Скончыў сярэднюю школу № 8 у Маладзечне (1991), Мінскі медыцынскі інстытут (1997), БелМАПА (2008).
Начальнік ваенна-медыцынскага факультэта Беларускага дзяржаўнага медыцынскага ўніверсітэта з верасня 2015 года па 2021 год. Акадэмік-сакратар Аддзялення медыцынскіх навук НАН Беларусі з 21 красавіка 2022 года[2].
Сфера навуковых інтарэсаў: герніялогія; клеткавая транспланталогія; тканкавая інжынерыя; ваенна-палявая хірургія; захворванні перыферычных сасудаў[2].