wd wp Пошук: ⬜

Валерый Сцяпанавіч Серада

У Вікіпедыі ёсць артыкулы пра іншых асоб з прозвішчам Серада (значэнні). Валерый Сцяпанавіч Серада́[1] (5 снежня 1936 — 17 чэрвеня 1997) — вучоны, эканаміст, доктар эканамічных навук (1986), прафесар (1987).

Біяграфія

Нарадзіўся ў вёсцы Акрыёны (Петрыкаўскі раён Гомельскай вобласці Беларусі). У 1959 годзе скончыў Беларускі інстытут інжынераў чыгуначнага транспарту. У 1978—1997 гадах працаваў у Мінскім дзяржаўным педагагічным інстытуце [2] на пасадзе загадчыка кафедры.

Навуковая дзейнасць

Навуковая дзейнасць В. С. Серады звязаная з праблемамі эканамічнай тэорыі, пытаннямі развіцця народнай гаспадаркі, удасканалення вытворчых адносін, якасці прадукцыі, кіравання ў сферы адукацыі.

Сярод апублікаваных прац:

Вопросы научного творчества студентов: (Методика, теория, практика) — Мн., 1975. (разам з М. І. Базылевым);
Резервы развития народного хозяйства. — Мн., 1986;
Экономиеский словарь-справочник. — Мн., 1989 (разам з М. А. Кушыным і І. С. Святліцкім);
Экономика и управление в сфере образования. — Мн., 1999. (у сааўтарстве).

Зноскі

↑ БелЭн, 2002
↑ З 1993 года Беларускі дзяржаўны педагагічны ўніверсітэт

Літаратура

Бараноўскі П. М. Серада Валерый Сцяпанавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 342. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

Серада Валерый Сцяпанавіч на сайце анлайн-энцыклапедыі «Беларусь у асобах і падзеях»