Вазапісец Пісцічы
Вазапісец Пісцічы (англ.: Pisticci Painter, ням.: Pisticci-Maler) — ананімны грэчаскі вазапісец, працаваў у Луканіі ў 5 стагоддзі да н. э. у чырвонафігурнай тэхніцы. Лічыцца заснавальнікам луканійскага вазапісу.
Сваё ўмоўнае імя майстар атрымаў ад назвы горада Пісцічы, у рэгіёне Базіліката, правінцыя Матэра, дзе знойдзена большасць яго работ. Значны ўплыў вазапісец Пісцічы аказаў на раннія працы іншага ананімнага мастака — вазапісца Аміка[1].
Вядомыя работы
- айнахоя з выявай двух атлетаў, адзін з якіх трымае стрыгіль, іншы — арыбал. Цяпер захоўваецца ў Луўры, экспанат MNE964[2].
- гідрыя, знойдзеная ў сямейным некропалі Сант-Анджэла у час раскопак 1979 года[3].
- вясельны лебес са сцэнай пагоні Эрасу за зайцам, знойдзены ў пахаванні 354 некропаля Пантанела[3].
- гідрыя з пахавання 12 Салдонскага некропаля з выявай Зеўса, які высякае маланкі[3].
- скіфас з выявай Пана і Менады[4]
Зноскі
- ↑ Lucanian red-figure nestoris — Peintre d’Amycos
- ↑ Athletes Louvre MNE964
- 1 2 3 Joseph Coleman Carter. Discovering the Greek Countryside at Metaponto
- ↑ A New Skyphos by the Pisticci Painter
Катэгорыя·Артыкулы пра асоб без партрэтаў
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Нарадзіліся ў V стагоддзі да н.э.
Катэгорыя·Асобы
Катэгорыя·Вазапіс Старажытнай Грэцыі