wd wp Пошук: ⬜

Бурачок серабрысты

Бурачо́к серабрысты[3] (Alyssum argenteum) — від кветкавых раслін з роду Бурачок (Alyssum) сямейства Капуставыя (Brassicaceae).

Батанічнае апісанне

Шматгадовая травяністая расліна вышынёй 30—40 см. Сцёблы шматлікія, прамастойныя. Лісце ў прыкаранёвай разетцы і ў ніжняй частцы сцябла, апушаныя зорчатымі валаскамі. Кветкі дробныя, жоўтага колеру.

Распаўсюджанне і экалогія

Паходзіць з Паўднёвай Еўропы. Святлолюбівая, марозаўстойлівая, засухаўстойлівая, не патрабавальная да глебы расліна. Цвіце ў маі—чэрвені.

Выкарыстоўваецца ў якасці дэкаратыўнай.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
↑ Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.

Літаратура

Лярскі А. М., Луніна Н. М. Бурачок // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — С. 360—361. — 575 с., іл. — 10 000 экз.

Спасылкі