Бурачо́к серабрысты[3] (Alyssum argenteum) — від кветкавых раслін з роду Бурачок (Alyssum) сямейства Капуставыя (Brassicaceae).
Шматгадовая травяністая расліна вышынёй 30—40 см. Сцёблы шматлікія, прамастойныя. Лісце ў прыкаранёвай разетцы і ў ніжняй частцы сцябла, апушаныя зорчатымі валаскамі. Кветкі дробныя, жоўтага колеру.
Паходзіць з Паўднёвай Еўропы. Святлолюбівая, марозаўстойлівая, засухаўстойлівая, не патрабавальная да глебы расліна. Цвіце ў маі—чэрвені.
Выкарыстоўваецца ў якасці дэкаратыўнай.