Бедржых Вшэмір фон Берхтальд (чэшск.: Bedřich Karel Eugen Všemír hrabě Berchtold z Uherčic; Фрыдрых Берхтальд, ням.: Friedrich von Berchtold; 1781—1876) — чэшскі урач і батанік.
Бедржых Вшэмыр фон Берхтальд пасля заканчэння ў 1804 годзе Карлава ўніверсітэта заставаўся пры медыцынскім факультэце Карлава ўніверсітэта(чэшск.) бел.. Апроч заняткаў доктарскай практыкай большую частку свайго часу прысвячаў прыродазнаўчым навукам, у першую чаргу батаніцы.
Пасля 11 гадоў медыцынскай практыкі ён прыняў рашэнне заняцца выключна навукай і цалкам прысвяціць сябе даследаванню прыроды. З навуковымі мэтамі ён з 1834 па 1842 гады здзейсніў шэраг падарожжаў па шматлікіх еўрапейскіх краінах, Паўночнай Афрыцы і Малой Азіі, у 1846 годзе ён пабываў у Паўднёвай Амерыцы большую частку часу падарожнічаючы па Бразіліі.
На мяжы 1830—40 гадоў ён апублікаваў шматтомную працу па флоры Багеміі. У суаўтарстве з выдатнымі чэшскімі батанікамі братамі Каралам і Янам Прэсламі ім было апублікавана некалькіх навукова-даследчых прац. Першы чэшскі аўтар, які апублікаваў батанічную працу пра бульбу — «Die kartoffeln.»(ням.) .
Быў прыхільнікам руху Чэшскага нацыянальнага адраджэння, разам са сваім зводным братам Леапольдам Берхтальдом (чэшск.: Leopold I. Berchtold) браў удзел у стварэнні Пражскага Нацыянальнага музея.
Яго імем быў названы род раслін Berchtoldia J.Presl, 1830[5], пазней гэта назва ўвайшла ў сінаніміку роду Chaetium Nees, 1828.