Барыс Якаўлевіч Вішкаро́ў (руск.: Борис Яковлевич Вишкарёв; 16 (29) кастрычніка 1905, Смаленск — 23 лютага 1974) — савецкі акцёр, рэжысёр, педагог, сцэнарыст. Заслужаны дзеяч культуры БССР (1968).
У 1929 годзе скончыў Дзяржаўныя эксперыментальныя майстэрні пры Маскоўскім камерным тэатры. Працаваў у тэатрах Масквы. У 1944—1947 гг. у Дзяржаўным рускім тэатры БССР. З 1947 года выкладаў у Беларускім тэатральна-мастацкім інстытуце. Таксама працаваў на радыё, тэлебачанні ў якасці сцэнарыста і рэжысёра, выступаў у друку па пытаннях драматургіі і тэатра.