Барыс Львовіч Хігрын (1 (14) жніўня 1909, Орша, Расійская імперыя, цяпер Віцебская вобласць Беларусі — 5 ліпеня 1941, Бялынічы, Магілёўская вобласць) — Герой Савецкага Саюза (1941)[1].
Скончыў Маскоўскае артылерыйскае вучылішча (1933), у Чырвонай Арміі з 1931 года. Удзельнік вызвалення Заходняй Беларусі. У Вялікую Айчыннную вайну з 1941 года на Заходнім фронце. Артылерыйскі дывізіён на чале з капітанам Хігрыным вызначыўся 5 ліпеня 1941 года каля г.п. Бялынічы Магілёўскай вобласці ў баі з танкавай групай праціўніка: прычыніў ёй значныя страты ў жывой сіле і баявой тэхніцы; асабіста Хігрын падбіў 4 танкі гітлераўцаў. Загінуў у гэтым баі. На месцы гібелі Хігрына пастаўлена гармата з мемарыяльнай дошкай.