Аўсе́ц лугавы́[3] (Helictotrichon pratense)[4] — від траў роду Аўсец (Helictotrichon) сямейства Метлюжковыя (Poaceae).
Шматгадовая травяністая расліна. Сцёблы прамыя, 30—85 см (да 100 см[3]) даўжынёй. Лісце простае, лінейнае, з гладкім краем, шурпатае, сядзячае, у асноўным прыкаранёвае. Суквецце — вузкая мяцёлка з нешматлікіх каласкоў. Каласкі складаюцца з 3—5 кветак. Каласковыя лускавінкі з трыма жылкамі. Ніжняя лускавінка зубчастая, з асцюком і белай плеўкай па краі. Плод — сухая зярняўка.
Расліна распаўсюджана на тэрыторыі Еўропы, Паўночнай Афрыкі і Азіі. Расце на сухадольных лугах, каля жылля. Утварае дзярнінкі. Цвіце ў чэрвені—ліпені.