wd wp Пошук: ⬜

Аўгуст Гаўль

Гео́рг А́ўгуст Гаўль (ням.: Georg August Gaul; 22 кастрычніка 1869 года, Гросгайм, цяпер раён Ганау, Гесэн — 18 кастрычніка 1921 года, Берлін, Германія) — нямецкі скульптар-анімаліст.

Біяграфія

Сын муляра Філіпа Гаўля (1840—1910), Аўгуст Гаўль з 13 гадоў пачаў навучацца ў мастацкай школе ў Ганау. Затым на працягу двух гадоў працаваў на фабрыцы па вырабе сярэбраных вырабаў. У 1888 годзе ён з дапамогай свайго настаўніка Вайсэ быў накіраваны на вучобу ў Берлін. Працягваючы вучыцца ў майстэрні скульптара Аляксандра Каландрэлі, стаў сталым наведвальнікам Музея прыкладных мастацтваў. Там ён атрымаў абанемент для наведвання Берлінскага заапарка і захапіўся вывучэннем экзатычных жывёл, цэлымі днямі робячы замалёўкі з натуры.

З 1894 па 1898 гады А.Гаўль працаваў у майстэрні вядомага берлінскага скульптара Рэйнгальда Бегаса і браў удзел у абмеркаванні ўзвядзення манумента кайзеру Вільгельму I каля Гарадскога палаца. У 1897 годзе быў накіраваны ў паездку ў Італію.

У 1898 годзе Гаўль стаў адным з з заснавальнікаў Берлінскага сецэсіёну, у які ўвайшлі такія мастакі, як Макс Ліберман і Вальтэр Лейстыкаў.

У 1900 годзе Аўгуст Гаўль ажаніўся з Кларай Хертэль (1874—1940). У іх нарадзіліся дзве дочкі (Катарына і Шарлота) і сын Карл Петэр.

У 1912 годзе стварыў скульптурную кампазіцыю «Зубры, якія змагаюцца», якая была перададзена Кёнігсберга і ўсталявана перад будынкам Вярхоўнага суда Усходняй Прусіі, сімвалізуючы барацьбу абароны і абвінавачвання. Адна з нешматлікіх захаваных у горадзе пасля Другой сусветнай вайны скульптура і сёння ўпрыгожвае Калінінград.

А.Гаўль супрацоўнічаў з вядомым берлінскім выдаўцом і гандляром творамі мастацтва Паўлем Касірэрам. Сярод яго блізкіх сяброў былі Генрых Цыле і Эрнст Барлах.

Гаўль адмовіўся ад абрання сенатарам Берлінскай акадэміі мастацтваў, палічыўшы, што можа паспяхова займацца мастацтвам і без афіцыйнага статусу.

Шэраг яго твораў знаходзяцца ў родным Ганау (на Рохусплац і перад школай каля фантана Гаўля). Бронзавая скульптура арла яго працы ўсталявана на вяршыні гары ў горным масіве Рон. Перад берлінскім Рэнесанс-тэатрам у 1911 годзе быў усталяваны яго фантан з качкамі.

Аўгуст Гаўль сканаў у Берліне ў 1921 годзе ад раку.

Творы

Перад будынкам тэатра Адраджэння, Берлін
Старая нацыянальная галерэя, Берлін
Klöpperhaus, Гамбург
Гарадскі парк Гамбурга
Музей мастацтваў, Кіль
Скульптура арла на помніку лётчыкам на гары Васеркупэ

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118689797 // Агульны нарматыўны кантроль — 2012—2016. Праверана 15 снежня 2014.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118689797 // Агульны нарматыўны кантроль — 2012—2016. Праверана 31 снежня 2014.
↑ https://www.berlin.de/senuvk/umwelt/stadtgruen/friedhoefe_begraebnisstaetten/downloads/eg-liste.pdf
↑ artist list of the National Museum of Sweden — 2016. Праверана 25 лютага 2016.
↑ Museum of Modern Art online collection Праверана 4 снежня 2019.
↑ RKDartists Праверана 18 лістапада 2021.
1 2 3 4 5 6 Thieme U., Becker F., Vollmer H. Thieme-Becker-Vollmer / Hrsg.: U. Thieme, F. Becker, H. Vollmer et al. — E. A. Seemann.
↑ https://sammlung.staedelmuseum.de/de/person/berliner-secession Праверана 26 ліпеня 2019.

Спасылкі

Біяграфія Аўгуста Гаўля (ням.)
Біяграфія Аўгуста Гаўля(недаступная спасылка) (англ.)
Біяграфія і спіс прац Аўгуста Гаўля на сайце «Нямецкія біяграфіі» Архівавана 15 верасня 2015. (ням.)