wd wp Пошук:

Астравы Фюрно

Астравы Фюрно

Астравы́ Фюрно́ (англ.: Furneaux Group) — група з 52 астравоў, якія ляжаць ва ўсходняй частцы праліва Баса паміж аўстралійскімі штатамі Вікторыя і Тасманія. Астравы названы ў гонар брытанскага мараплаўца Т. Фюрно, які даследаваў гэту мясцовасць у 1773 годзе. Найбуйнейшыя астравы ў групе — Кейп-Барэн, Кларк і Фліндэрс. На тэрыторыі рэгіёна размешчаны пяць паселішчаў — Кілікрэнкі (англ.: Killiecrankie), Эміта (англ.: Emita), Лэдзі-Бэран (англ.: Lady Barron), Кейп-Барэн-Айленд (англ.: Cape Barren Island) і Уайтмарк (англ.: Whitemark), які з’яўляецца адміністрацыйным цэнтрам муніцыпалітэта вострава Фліндэрс.

Названы ў гонар брытанскага мараплаўца Тобіяса Фюрно.

Геаграфія

Група астравоў Фюрно — рэшткі некалі існаваўшага сухапутнага моста, які злучаў востраў Тасманію з мацерыковай часткай Аўстраліі. Час затаплення гэтага моста невядомы: меркавана гэта адбылося 12-18 тысяч гадоў назад. У гэты перыяд у выніку воднай эрозіі адбывалася фармаванне фармацый на астравах Фюрно.

Прыкладна 1/3 частка астравоў пакрыта гранітнымі гарамі, якія дасягаюць вышыні да 700 м і больш. Прыкладна палова астравоў у групе Фюрно ўяўляюць сабою выдмы з роднаснымі глебавымі адкладамі. У шматлікіх нізінных месцах са мноствам лагун можна знайсці эстуарыявыя пласты з пяску, гліны і галькі. На астравах вельмі мала рэк, якія не перасыхаюць, большасць з іх з’яўляецца толькі пасля дажджу.

З-за рознай колькасці ападкаў, вышыннасці, геалагічнай будовы і ландшафту на астравах вялікая разнастайнасць глеб і формаў расліннасці. Уздоўж прыбярэжных выдмаў пераважаюць глебы з вялікім утрыманнем вапны, на мяккахвалістых раўнінах — монафракцыёны пясок і неаднастайныя глебы.

Клімат астравоў субтрапічны акіянічны, мяккі, бо мора абараняе ад рэзкіх змен тэмпературы. Сярэднегадовая колькасць ападкаў ад 600 мм на паўднёвым захадзе да 800 мм у цэнтральнай пагорыстай частцы астравоў. Пераважаюць вятры заходняга кірунку, якія могуць дзьмуць бесперапынку на працягу некалькіх дзён у канцы зімы — пачатку вясны. У летнія месяцы дзьмуць халаднаватыя марскія брызы.

На астравах Фюрно заўважана вялікая колькасць раслін — каля 800-900 відаў.

Насельніцтва

Калі ў мінулым мацерыковая частка Аўстраліі была злучана з Тасманіяй сухапутнай перамычкай, астравы Фюрно служылі мастом, праз які аўстралійскія абарыгены дабраліся да вострава Тасманія. Пазней гэта перамычка была затоплена, і на востраве Тасманія пачалося фармаванне сваёй унікальнай культуры і традыцый. У 1797 годзе еўрапейцы сталі займацца здабычай цюленяў на астравах Фюрно. Пазней шматлікія з іх жаніліся на мясцовых абарыгенках. Аднак з’яўленне чужакоў на востраве Тасманія і Фюрно прывяло да поўнага знішчэння мясцовых жыхароў (сучасныя жыхары — метысы).

У наш час з больш чым 60 астравоў толькі на трох ёсць сталае насельніцтва: на астравах Фліндэрс, Кейп-Барэн і Кларк. Жыхары займаюцца авечкагадоўляй, разводзяць гусяў, вырабляюць воўну. У апошні час развіваецца турызм.

Літаратура

Спасылкі

Тэмы гэтай старонкі (4):
Катэгорыя·Вікіпедыя·Артыкулы без шаблонаў-картак
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Астраўныя групы Аўстраліі і Акіяніі
Катэгорыя·Астравы Аўстраліі