Артур Рудольф Ганч (ням.: Arthur Rudolf Hantzsch; 7 сакавіка 1857, Дрэздэн — 14 сакавіка 1935, там жа) — нямецкі хімік-арганік.
З 1882 года прафесар у Цюрыху, з 1893 года ў Вюрцбургу, у 1903—1927 гг. у Лейпцыгу. У 1881—1883 гг. распрацаваў метады сінтэзу пірыдзіну і яго вытворных з ацэтвоцатнага эфіру і альдэгідаміякаў; пазней атрымаў шэраг вытворных тыязолу і падобных злучэнняў. У 1890 годзе разам з А. Вернерам паклаў пачатак стэрэахіміі азоту. Ганч упершыню ўжыў фізічныя метады для ўстанаўлення будовы арганічных злучэнняў.