wd wp Пошук: ⬜

Арнегунда

Арнегунда (фр.: Arnegonde de Worms, Arégonde або Aregunda, каля 520 — каля 565) — другая жонка караля франкаў Хлотара I, дачка Бадэрыха, караля Цюрынгіі, і Арнегунды Саксонскай. Імя Арнегунда ў перакладзе са стара-германскай мовы азначае «Ваяўнічая арліца». Сястра першай жонкі Хлотара, Інгунды.

Біяграфія

Грыгорый Турскі ў «Гісторыі франкаў» расказвае, што аднойчы Інгунда звярнулася да мужа з просьбай знайсці для яе сястры паважанага і заможнага мужа. Хлотар не знайшоў нікога годней за сябе і ажаніўся з Арнегундай сам. Ад гэтага шлюбу нарадзіўся сын — Хільперык, будучы кароль Нейстрыі і дачка Блітхільда.

Грабніца Арнегунды

Арнегунда памерла каля 565 года (некаторыя гісторыкі датуюць яе смерць паміж 570 і 573 гг. ці паміж 580 і 590 гг.) і была пахавана ў базіліцы Сен-Дэні. Пахаванне Арнегунды было выяўлена ў 1959 годзе французскім археолагам Мішэлем Флеры. У грабніцы знаходзіліся рэшткі жанчыны ў багатых адзеннях, а сярод мноства каштоўнасцей быў выяўлены пярсцёнак з выгравіраваным надпісам Arnegundis Regina, што і дазволіла ідэнтыфікаваць грабніцу.

Зноскі

↑ Settipani C. La Préhistoire des Capétiens: Première partie : Mérovingiens, Carolingiens et Robertiens — Villeneuve-d’Ascq: 1993. — P. 71. — ISBN 978-2-9501509-3-6

Літаратура

Григорий Турский. История франков = Historia Francorum. — М.: Наука, 1987. — 464 с.

Спасылкі

CLOTAIRE I 511-561, CHARIBERT 561-567, GONTRAN 561-592(англ.) . Foundation for Medieval Genealogy. Праверана 13 студзеня 2012.
Arnegunde von Frankenkönigin(ням.) . Genealogie Mittelalter: Mittelalterliche Genealogie im Deutschen Reich bis zum Ende der Staufer. Архівавана з першакрыніцы 12 лютага 2012. Праверана 13 студзеня 2012.
Пярсёнак і фібула Арнегунды
Археалагічныя знаходкі 4-7 стст. н.э., у тым ліку ювелірныя вырабы з пахавання Арнегунды Архівавана 6 верасня 2006.