wd wp Пошук:
    ⬜

    Антыёх IX Кізікскі

    У Вікіпедыі ёсць артыкулы пра іншых людзей з імем Антыёх.

    Антыёх IX Кізікскі (Кізікен) (стар.-грэч.: Άντίοχος Κυζικηνός; пам. 95 да н.э.) — кіраўнік часткі тэрыторыі дзяржавы Селеўкідаў (з 114 да н.э.)[4]. Сын Антыёха VII Сідэта і Клеапатры Тэі.

    Біяграфія

    Пасля смерці бацькі ў Парфіі і вяртання дзядзькі Дэметрыя II Нікатара да ўлады ў 129 годзе да н.э. маці Антыёха адправіла сына ў горад Кізік (знаходзіўся на беразе Мармуровага мора). Ад гэтага ён атрымаў сваю мянушку «Кізікскі».

    Антыёх вярнуўся ў 116 годзе да н.э. у Сірыю і прад’явіў правы на прастол. Краінай тады кіраваў яго стрыечны (зводны[5]) брат Антыёх VIII Грып. Пачалася міжусобная вайна, у якой у 112 годзе да н.э. загінула жонка Антыёха Клеапатра, забітая па загадзе жонкі Антыёха VIII Трыфены. Праз год Антыёх разбіў брата, захапіў у палон і забіў Трыфену. Урэшце, краіна была падзелена паміж братамі. Антыёху дасталіся Келесірыя і Фінікія.

    У 96 годзе да н.э. Антыёх VIII быў забіты сваім саветнікам Гераклеонам, а ў наступным годзе сын Антыёха VIII Селеўк VI Эпіфан захапіў Антыёха Кізікскага і загадаў пакараць яго смерцю[6][7] (па іншых крыніцах, Антыёх скончыў з сабой, каб пазбегнуць палону[8]). Яго сын Антыёх X Эўсебес працягнуў барацьбу з сынамі Антыёха VIII.

    Зноскі

    1. ↑ Антиох IX Кизикен // Еврейская энциклопедия — СПб.: 1908. — Т. 2. — С. 783–784.
    2. ↑ Любкер Ф. Antiochus // Реальный словарь классических древностей по Любкеру / под ред. Ф. Ф. Зелинский, А. И. Георгиевский, М. С. Куторга и др. — СПб.: Общество классической филологии и педагогики, 1885. — С. 98–100.
    3. ↑ Антіохъ // Энциклопедический лексикон — СПб.: 1835. — Т. 2. — С. 373–374.
    4. ↑ Антиох, цари Сирии // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.
    5. ↑ Антыёх VIII і Антыёх IX былі адначасова зводнымі братамі (іх маці Клеапатра Тэя спачатку выйшла замуж за Дэметрыя II, потым за Антыёха VII) і стрыечнымі (іх бацькі, адпаведна, Дэметрый II і Антыёх VII былі роднымі братамі).
    6. ↑ Mahlon H. Smith
    7. ↑ Рыжов К. Все монархи мира. Древняя Греция. Древний Рим. Византия
    8. ↑ George Rawlinson M. A. History of the Syrian Kingdom of the Seleucidae

    Спасылкі

    Тэмы гэтай старонкі (10):
    Катэгорыя·Цары сірыйскія
    Катэгорыя·Нарадзіліся ў 135 годзе да н.э.
    Катэгорыя·Кіраўнікі Азіі II стагоддзя да н.э.
    Катэгорыя·Цары дзяржавы Селеўкідаў
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Памерлі ў 95 годзе да н.э.
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Асобы
    Катэгорыя·Памерлі ў 96 годзе да н.э.
    Катэгорыя·Селеўкіды