Анры Леон Лебег (фр.: Henri Léon Lebesgue; 28 чэрвеня 1875, Бавэ, дэпартамент Уаза — 26 ліпеня 1941, Парыж) — французскі матэматык, член Парыжскай АН (1922). Прафесар Парыжскага ўніверсітэта (з 1910).
Найбольш вядомы як аўтар тэорыі інтэгравання (т. зв. Інтэграл Лебега), абагульняючай звычайнае азначэнне інтэграла на больш шырокі клас функцый. Інтэграл Лебега знайшоў шырокае прымяненне ў тэорыі імавернасцей.