wd wp Пошук: ⬜

Анатоль Мітрафанавіч Мазурэнка

У Вікіпедыі ёсць артыкулы пра іншых асоб з падобнымі імёнамі, гл. Мазурэнка і Анатоль Мазурэнка.

Анатоль Мітрафанавіч Мазурэ́нка (21 сакавіка 1940, Гарадок, Буда-Кашалёўскі раён — 30 сакавіка 1994) — вучоны ў галіне фізікі цвёрдага цела. Доктар тэхнічных навук (1984), прафесар (1987). Лаўрэат Дзяржаўнай прэміі Рэспублікі Беларусь (1992)[1].

Біяграфія

А. М. Мазурэнка нарадзіўся ў пасёлку Гарадок, Буда-Кашалёўскага раёна Гомельскай вобласці Беларусі. У 1961 годзе скончыў Гомельскі педагагічны інстытут. З 1963 г. у Інстытуце фізікі цвёрдага цела АН БССР (сучасны Аб’яднаны інстытут фізікі цвёрдага цела і паўправаднікоў НАН Беларусі). Займаў пасаду загадчыка Лабараторыі сінтэзу звышцвёрдых матэрыялаў[1].

Навуковая дзейнасць

Навуковыя працы па фізіцы і тэхніцы высокага ціску. Займаўся даследаваннямі фазавых пераўтварэнняў у нітрыдзе бору і вугляродзе, сінтэзе звышцвёрдых полікрышталічных матэрыялаў.

Сярод апублікаванага:

Алмазообразование и взаимодействие в системе углерод—бор при высоком давлении и температуре (в соавторстве) // Неорганические материалы, 1995, т. 31, № 1.

Узнагароды

Дзяржаўная прэмія Рэспублікі Беларусь у галіне навукі і тэхнікі (1992) — за распрацоўку навуковых асноў сінтэзу звышцвёрдых інструментальных матэрыялаў, разам з калектывам аўтараў[1].

Зноскі

1 2 3 Постановление Президиума Верховного Совета Республики Беларусь и Совета Министров Республики Беларусь «О присуждении Государственных премий Республики Беларусь 1992 года в области науки и техники»(недаступная спасылка) (руск.)

Літаратура

Гатальскі Г. В. Мазурэнка Анатоль Мітрафанавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — С. 512. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.

Спасылкі

21 марта: этот день в истории (руск.)