У Вікіпедыі ёсць артыкулы пра іншых асоб з прозвішчам Квасаў.
Аляксей Васілевіч Квасаў (руск.: Алексе́й Васи́льевич Ква́сов; 1718 — 8 [20] лютага 1777) — рускі архітэктар, малодшы брат Андрэя Квасава, з 1763 года — кіраўнік архітэктурнай часткі Камісіі па каменным будаўніцтве Санкт-Пецярбурга і Масквы. Падчас гарадской рэформы Кацярыны II кіраваў складаннем генеральных планаў забудовы Адміралцейскай стараны Санкт-Пецярбурга, Ніжняга Ноўгарада, Цверы, Яраслаўля, Казані, Харкава, якія адрозніваюцца выразнасцю горадабудаўнічых канцэпцый ў духу класіцызму. Укладальнік «узорных» праектаў, па якіх ажыццяўлялася забудова рускай правінцыі ў перыяд ранняга класіцызму.