У Вікіпедыі ёсць артыкулы пра іншых асоб з прозвішчам Кузьмін. Алякса́ндр Тры́фанавіч Кузьмі́н (24 ліпеня 1918, в. Даброціна, Бабруйскі павет (цяпер Кіраўскі раён) — 1 мая 2004, Мінск) — партыйны і дзяржаўны дзеяч БССР.
У Вялікую Айчынную вайну штурман звяна бамбардзіровачнага авіяпалка на Паўдневым і Закаўказскім франтах.
У 1944—1946 гадах загадчык ваеннага аддзела, у 1948—1950 гадах загадчык аддзела прапаганды і агітацыі Савецкага райкама партыі Мінска.
У 1950—1951 гадах намеснік загадчыка аддзела, у 1955—1958 гадах загадчык аддзела прапаганды і агітацыі Мінскага абкама КПБ.
З 1951 года загадчык аддзела прапаганды і агітацыі, у 1953—1955 гадах загадчык аддзела школ і ВНУ Мінскага гаркама КПБ.
У 1958—1962 гадах сакратар Мінскага абкама КПБ, з лютага 1971 па жнівень 1986 года сакратар ЦК КПБ па ідэалогіі.
Член ЦК КПБ з 1966 года, член Бюро ЦК КПБ з лютага 1971 года. Дэпутат ВС СССР у 1979—1984, ВС БССР у 1963—1980, 1985—1990, намеснік старшыні ВС БССР у 1967—1971 гадах.