Аляксандр Рыгоравіч Хрыстоў (1909-1943) — лейтэнант Рабоча-сялянскай Чырвонай Арміі, удзельнік Вялікай Айчыннай вайны, Герой Савецкага Саюза (1944).
Аляксандр Хрыстоў нарадзіўся 30 жніўня 1909 года ў Самары. Пасля заканчэння пяці класаў школы працаваў шаўцом. У 1941 годзе Хрыстоў быў прызваны на службу ў Рабоча-сялянскую Чырвоную Армію. З ліпеня таго ж года — на франтах Вялікай Айчыннай вайны. У 1942 годзе Хрыстоў скончыў курсы малодшых лейтэнантаў[1].
Да верасня 1943 года гвардыі лейтэнант Аляксандр Хрыстоў камандаваў узводам 37-га гвардзейскага стралковага палка 12-й гвардзейскай стралковай дывізіі 61-й арміі Цэнтральнага фронту. Вызначыўся падчас бітвы за Дняпро. У ноч з 28 на 29 верасня 1943 года ўзвод Хрыстова адным з першых пераправіўся праз Дняпроепр у раёне вёскі Глушэц Лоеўскага раёна Гомельскай вобласці Беларускай ССР і прыняў актыўны ўдзел у баях за захоп і ўтрыманне плацдарма на яго заходнім беразе, пратрымаўшыся да пераправы асноўных сіл. 23 кастрычніка 1943 года Хрыстоў загінуў у баі. Пахаваны ў вёсцы Сяўкі Лоеўскага раёна Гомельскай вобласці Беларусі[1].
Указам Прэзідыума Вярхоўнага Савета СССР ад 15 студзеня 1944 года гвардыі лейтэнант Аляксандр Хрыстоў пасмяротна быў удастоены высокага звання Героя Савецкага Саюза[2]. Таксама пасмяротна быў узнагароджаны ордэнам Леніна[1].