У Вікіпедыі ёсць артыкулы пра іншых асоб з прозвішчам Шалюта. Аляксандр Аляксеевіч Шалюта (нар. 5 сакавіка 1952, пас. Свяцілавічы, Веткаўскі раён, Гомельская вобласць) — беларускі спецыяліст у галіне раслінаводства. Доктар сельскагаспадарчых навук (2000), прафесар (2003).
Скончыў Беларускую дзяржаўную сельскагаспадарчую акадэмію (спецыяльнасць «Аграномія», спецыялізацыя «Лугаводства», 1975; аспірантура, 1981; дактарантура, 1997).
Працаваў у Краснабярэжскім сельскагаспадарчым тэхнікуме Жлобінскага раёна Гомельской вобласці (1975—1978), Беларускай дзяржаўнай сельскагаспадарчай акадэмім (з 1978, агранамічны факультэт, кафедра кормавытворчасці, у 1998—2004 і з 2011 — загадчык кафедры, 2004—2011 — дэкан факультэта).
Навуковыя інтарэсы: рэсурсазберагальныя экалагічна бяспечныя тэхналогіі стварэння культурных лугоў і вытворчасці кармоў.