wd wp Пошук: ⬜

Аляксандра Грэчаская

Аляксандра Грэчаская (грэч.: Αλεξάνδρα της Ελλάδας; 25 сакавіка 1921, Афіны, Грэчаскае каралеўства — 30 студзеня 1993, Усходні Сусекс, Вялікабрытанія) — прынцэса грэчаская і дацкая, дачка караля элінаў Аляксандра I з роду Глюксбургаў, у замужжы — апошняя каралева Югаславіі.

Біяграфія

Прынцэса Грэцыі і Даніі

Прынцэса Аляксандра нарадзілася 25 сакавіка 1921 года ў Афінах, праз пяць месяцаў пасля смерці свайго бацькі. Яна была дачкой Аляксандра I, караля Грэцыі і яго марганатычны ўдавы Аспазіі Манас.

На прастоле быў адноўлены дзед Аляксандры, кароль Канстанцін I Грэчаскі, пры якім урад, прытрымліваючыся закона аб пераходзе ў спадчыну прастола, прызнала шлюб яго памерлага сына незаконным, а яго ўнучку байстручкай.

Па просьбе бабулі Аляксандры, каралевы Сафіі Грэчаскай у ліпені 1922 года быў прыняты новы закон аб пераходзе ў спадчыну прастола, які дазволіў прызнаваць сапраўднасць шлюбаў членаў каралеўскай сям’і без згоды кіруючага суверэна, нават заднім чыслом, хоць і без права пераходу прастола па спадчыне.

Кароль Канстанцін I указам ад 10 верасня 1922 года афіцыйна прызнаў шлюб паміж яго памерлым сынам Аляксандрам і яго ўдавой Аспазіяй Манас. Такім чынам, Аляксандра была прызнана членам кіруючага дому[5][6].

Ёй і яе маці былі нададзены тытулы прынцэс Грэчаскіх і Дацкіх, са зваротам «Ваша Каралеўская Высокасць»[7]. Такі тытул насілі ўсе некіруючыя члены грэчаскай каралеўскай сям’і, які таксама былі членамі малодшай галіны дацкай каралеўскай сям’і.

Каралева Югаславіі

У 1944 годзе Аляксандра Грэчаская пераехала ў Лондан, дзе ажанілася з каралём Пятром II Югаслаўскім і нарадзіла спадчыннага прынца Аляксандра Карагеоргіевіча. Паводле закона аб пераходзе ў спадчыну прастола югаслаўскага каралеўства, будучы кароль павінен быў быць народжаны выключна на югаслаўскай тэрыторыі. Таму, 17 ліпеня 1945 года нумар 212 атэлю Клэрыдж на Брук-Стрыт у Лондане на дзень быў саступлены брытанскім урадам Югаславіі.

Аляксандра Грэчаская, каралева Югаславіі памерла 30 студзеня 1993 года ва Усходнім Сусексе, у Англіі і была пахавана ў былой рэзідэнцыі каралёў элінаў у Татой у Грэцыі.

Зноскі

1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #104557877 // Агульны нарматыўны кантроль — 2012—2016. Праверана 26 красавіка 2014.
1 2 Lundy D. R. Alexandra zu Schleswig-Holstein-Sonderburg-Glücksburg, Princess of Greece and Denmark // The Peerage Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #104557877 // Агульны нарматыўны кантроль — 2012—2016. Праверана 11 снежня 2014.
↑ Find a Grave — 1995. Праверана 12 верасня 2020.
↑ Diesbach, Ghislain de| others. Secrets of the Gotha. Chapman & Hall. London, 1967. Р. 225
↑ Joseph Valynseele. Les Pretendants aux trones d’Europeю Paris, 1967. Р. 442
↑ Montgomery-Massingberd, Hugh. Burke’s Guide to the Royal Family. Burke’s Peerage. London, 1973. ISBN 978-0-220-66222-6

Спасылкі

На Вікісховішчы ёсць медыяфайлы па тэме Аляксандра Грэчаская
Obituary: Queen Alexandra of Yugoslavia у The Independent