wd wp Пошук: ⬜

Сафія Пруская

Сафія Гогенцолерн (ням.: Sophie Dorothea Ulrike Alice; 14 чэрвеня 1870, Патсдам — 13 студзеня 1932, Франкфурт-на-Майне) — прынцэса Пруская, каралева-кансорт Грэцыі.

Біяграфія

Сафія нарадзілася ў сям’і Прускага прынца Фрыдрыха (будучага імператара Фрыдрыха III) і яго жонкі прынцэсы Вялікабрытаніі Вікторыі. Па маці яна была ўнучкай каралевы Вікторыі. Сафія была сёмым дзіцем з васьмі і трэцяй дачкой. Сярод яе братоў быў кайзер Вільгельм II.

27 кастрычніка 1889 года ў Афінах Сафія выйшла ажанілася з грэчаскім прынцам Канстанцінам (1868—1923), які даводзіўся ёй чатырохюрадным братам (абодва былі прапраўнукамі імператара Паўла I). Перад шлюбам прынцэса прыняла праваслаўе і перастала наведваць лютэранскія цэрквы, што прывяло да разладу паміж ёй і яе братам Вільгельмам. Дзеці Канстанціна і Сафіі:

Георг (1890—1947), кароль Грэцыі (1922—1947),
Аляксандр (1893—1920), кароль Грэцыі (1917—1920),
Алена (1896—1982), замужам за каралём Румыніі Каралем II,
Павел (1901—1964), кароль Грэцыі (1947—1964),
Ірэна (1904—1974), замужам за Аймонэ, герцагам Аосцкім,
Кацярына (1913—2007), замужам за маёрам Рычардам Брэндрэмам.

Сафія стала каралевай Грэцыі ў сакавіку 1913 года, калі яе муж змяніў на прастоле свайго бацьку. Падчас Першай сусветнай вайны Канстанцін I быў вымушаны адрачыся на карысць сына Аляксандра па прычыне сваіх германафільскіх сімпатый. У гэтым вінавацілі Сафію, хоць тая больш падтрымлівала пра-брытанскія настроі сваёй маці. Мужу з жонкай прыйшлося пакінуць Грэцыю і жыць у Швейцарыі. У 1920 годзе пасля смерці Аляксандра ад укусу малпы яны вярнуліся і Канстанцін ізноў стаў каралём. Аднак праз два гады ён адрокся ў другі раз з-за паражэння ў вайне з Турцыяй. Кароль памёр праз год падчас іх ссылкі на Сіцыліі. У апошнія гады жыцця Сафіі ў яе выявілі рак. Яна памерла ў Франкфурце 13 студзеня 1932 года. У 1936 годзе пасля рэстаўрацыі манархіі ў Грэцыі яе прах быў перапахаваны ў каралеўскім магільным склепе Татоі.

Тытулы

1870—1888: Яе Каралеўская Высокасць Прынцэса Сафія Пруская
1888—1913: Яе Каралеўская Высокасць Кронпрынцэса Грэчаская і Дацкая
1913—1923: Яе Вялікасць Каралева Грэцыі
1923—1932: Яе Вялікасць Каралева-ўдава Сафія

Зноскі

1 2 Sophia of Prussia // SNAC — 2010. Праверана 9 кастрычніка 2017.
1 2 Sophia Dorothea Ulrica Alice Oldenburg // Find a Grave — 1995. Праверана 9 кастрычніка 2017.
1 2 Lundy D. R. Sophie Dorothea Ulrike Alice Prinzessin von Preußen // The Peerage Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #140770070 // Агульны нарматыўны кантроль — 2012—2016. Праверана 11 снежня 2014.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #140770070 // Агульны нарматыўны кантроль — 2012—2016. Праверана 31 снежня 2014.
↑ (unspecified title) Праверана 7 жніўня 2020.
↑ Lundy D. R. The Peerage
↑ Грэчаская Вікіпедыя — 2002.

Спасылкі

На Вікісховішчы ёсць медыяфайлы па тэме Сафія Пруская

Гл. таксама

Спіс мужоў і жонак манархаў Грэцыі