wd wp Пошук: ⬜

Алесь Уладзіміравіч Рашчынскі

У Вікіпедыі ёсць артыкулы пра іншых асоб з прозвішчам Рашчынскі. Алесь Уладзіміравіч Рашчынскі (2 красавіка 1949, г. Лагойск Мінскай вобласці — 10 жніўня 2016, г. Мінск) — беларускі кампазітар , дырыжор, педагог, збіральнік беларускага фальклору.

Біяграфія

Нарадзіўся ў 1949 годзе ў Лагойску. Скончыў інстытут імя Гнесіных у Маскве (1975) і Беларускую кансерваторыю (1984, клас Яўгена Глебава). У 1973 годзе разам з Глебавым заснаваў у Мінскім музычным вучылішчы аддзяленне народна-харавых спеваў. З 1973 года выкладаў у Мінскім музычным вучылішчы імя Глінкі. Музычны кіраўнік ансамбля «Харошкі», квартэта «Купалінка», групы-капэлы аўтэнтычнага фальклору «Агмень». Член Саюза кампазітараў Беларусі. У верасні 2016 года ў Мінску створаны народны хор імя Алеся Рашчынскага[1][2].

Творчасць

Сімфонія (1983)
Араторыя «Смутак памяці» на вершы М. Танка, У. Дзюбы, А. Салтука, Л. Пранчака (1984)
Кантата «Дзіцячыя песні» на народныя словы (1982)
Канцэрты ― для хору а капэла, для цымбалаў і аркестра беларускіх народных інструментаў (1983―1986); сюіты
«Ігравыя песні», «Гродзенскія песні», «Вяснавыя карагоды», балады, варыяцыі, санаты і п’есы для аркестра і ансамбля народных інструментаў
Апрацоўка беларускіх народных песень, артыкулы аб музычным фальклоры[3].

Зноскі

↑ Алесь Рашчынскі (нявызн.). Pawet #33 (1288).
↑ Рашчынскі Алесь Уладзіміравіч // Белорусская энцыклапедыя. — Мн.: БелЭн, 2001. — Т. 13.
↑ Рашчынскі Аляксандр Уладзіміравіч // Энцыклапедыя Літаратуры і мастацтва. — Мн.: БелЭн, 1987. — Т. 4. — С. 508.

Спасылкі

Алесь Рашчынскі: Ці незалежныя мы без сваёй мовы? // Народная воля, 2005, 20 верасня
Ушёл из жизни композитор Алесь Ращинский // Хартыя 97, 4 кастрычніка 2-16
Рашчынскі Аляксандр Уладзіміравіч на сайце анлайн-энцыклапедыі «Беларусь у асобах і падзеях»