У Вікіпедыі ёсць артыкулы пра іншых асоб з прозвішчам Юркевіч. Алена Раманаўна Юркевіч (3 снежня 1903, в. Азярычына, Пухавіцкі раён — 1986) — Герой Сацыялістычнай Працы (1950)[1].
У 1944-60 гадах у калгасе імя 10-годдзя БССР Рудзенскага раёна (з 1953 года калгас «Кастрычніцкі» Пухавіцкага раёна), да 1953 звеннявая звяна па вырошчванні кок-сагыза[1].
У 1949 году звяно Алены Юркевіч сабрала з кожнага гектара ў сярэднім па 85,5 цэнтнераў каранёў кок-сагыза. Указам Прэзідыума Вярхоўнага Савета СССР ад 27 чэрвеня 1950 года ўдастоена звання Героя Сацыялістычнай Працы з уручэннем ордэна Леніна і залатога медаля «Серп і Молат»[1].
Абіралася дэпутатам Вярхоўнага Савета Беларускай ССР (1951—1959)[1].
У 1960 годзе выйшла на пенсію. Памерла ў 1986 годзе.