Кок-сагыз[4] (Taraxacum kok-saghyz; ад каз.: көк-сағыз /ky̯ʉk.sɑˈɢəz/) — шматгадовая травяністая расліна роду Дзьмухавец сямейства Астравыя (Asteraceae), каўчуканос.
Распаўсюджаны ў міжгорных далінах Усходняга Цянь-Шаня. Карані змяшчаюць да 14 % каўчукавых рэчываў у сухой вазе[5].
Кок-сагыз — адзін з лепшых натуральных каўчуканосаў флоры колішняга СССР. З 1933 года быў уведзены ў культуру. Культывавалі пераважна ў еўрапейскай частцы СССР. У тым ліку вырошчвалі ў Беларускай ССР, дзе яго сярэдняя ўраджайнасць за 1951 год была 40 цэнтнераў з гектара[6]. З 1954 года, у сувязі з развіццём вытворчасці сінтэтычнага каўчуку, плантацыі кок-сагызу больш не культывавалі.