Албанская мафія ці албанская арганізаваная злачыннасць з’яўляюцца агульнымі тэрмінамі, якія выкарыстоўваюцца для разнастайных злачынных арганізацый, якія базуюцца ў Албаніі ці складаюцца з албанцаў. За межамі Албаніі распаўсюджана на тэрыторыіі ЗША і Еўрапейскім саюзе. У дадзеным выпадку тэрмін «мафія» не мае на ўвазе, што ўся албанская злачынная дзейнасць каардынуецца і рэгулюецца агульным кіруючым орагнам са штаб-кватэрай у Албаніі, Косаве, Паўночнай Македоніі ці інш.
Пасля падзення камуністычнага рэжыма ў Албаніі ў пачатку 1991 года албанская мафія атрымала сувязь з астатнім светам, што прывяло да яе пашырэння на міжнароднай арэне.
Вайна ў Косаве адыграла важную ролю ў павышэнні прысутнасці албанскай мафіі ў Еўропе. Традыцыйна гераін транспартаваўся ў Заходнюю Еўропу з Турцыі праз Сербію, Харватыю і Славенію. Гэты маршрут быў зачынены з-за вайны, і албанскія банды гарантавалі бяспечны маршрут праз зону баявых дзеянняў. Падчас вайны этнічныя албанцы масава атрымлівалі статус бежанцаў у Еўропе, чым скарысталіся бандыты якія стварылі злачынны сіндыкат, галоўным чынам у Германіі і Швейцарыі, спецыялізуючыся на гандлі гераінам.[1]
Згодна з паведамленнем Упраўлення па барацьбе з наркотыкамі, ЗША албанская мафія з’яўляецца ключавым гандляром ў «балканскай сувязі», Стамбул-белградскага трафіка гераіну. У 1985 годзе праз «балканскі маршрут» прыпадала ад 25 % да 40 % гераінавага трафіка ў ЗША.[2]
У 1999 годзе камітэт сената ЗША абвясціў, што асноўная часткак фінансавання «Войска вызвалення Косава» паступае ад крымінальных сувязяў[3].
У 2000 годзе паводле дадзеных Інтэрпала існавала сувязь паміж палітычнымі.ваеннымі утварэннямі Косава і албанскай арганізаванай злачыннасцю[4].