У Вікіпедыі ёсць артыкулы пра іншых асоб з прозвішчам Стэн.
Ян Хавікзоон Стэн (Jan Havickszoon Steen; каля 1626, горад Лейдэн — да 3 лютага 1679, Лейдэн) — галандскі жывапісец.
Нарадзіўся ў 1626 годзе ў Лейдэне. Вучыўся жывапісу ў Нікалауса Кнюпфера ва Утрэхце, а потым верагодна вучыўся ў Харлеме ў Адрыяна ван Остадэ і магчыма ў Дзірка Халса.
У 1648 годзе ён уступіў у Лейдэнскую гільдыю мастакоў, ў 1649 годзе ажаніўся і пераехаў у Гаагу, дзе працаваў да 1653 года. З 1654 па 1658 г. ён пражываў у Лейдэне, потым да 1669 года — у Харлеме, а у 1672 годзе набыў ліцэнзію на адкрыццё карчмы ў Лейдэне.
Пахаванне Яна Стэна прайшло ў Лейдэне 3 лютага 1679 года.