У Вікіпедыі ёсць артыкулы пра іншых асоб з прозвішчам Мукаржаўскі. Ян Му́каржаўскі (чэшск.: Jan Mukařovský; 11 лістапада 1891, г. Пісек, Чэхія, Аўстра-Венгрыя — 8 лютага 1975, Прага, Чэхаславакія) — чэшскі эстэтык, літаратуразнавец; заснавальнік чэшскай структуралісцкай эстэтычнай школы. Акадэмік Чэхаславацкай АН (з 1952).
Скончыў Пражскі ўніверсітэт. З 1938 года прафесар, у 1948—1953 гадах рэктар Карлава ўніверсітэта ў Празе, прафесар універсітэта Коменскага ў Браціславе. У 1951—1962 гадах кіраўнік Інстытута чэшскай літаратуры.
Аўтар прац па агульнай тэорыі мастацтва, літаратуры, паэтыцы кіно, тэатра, жывапісу: «Эцюды з эстэтыкі» (1966), «Шляхамі паэтыкі і эстэтыкі» (1971), «Эцюды з паэтыкі» (выд. 1982) і інш. Даследаваў стылістыку творчасці чэшскіх пісьменнікаў. Узначальваў акададэмічнае выданне «Гісторыя чэшскай літаратуры» (т. 1—3, 1959—1961).