Язмін (лац. Jasmínum, ад (перс.: یاس — ясемін) — род вечназялёных кустоў з сямейства маслінавыя.
Павойныя ці прамастаячыя хмызнякі з простымі, трайчастым ці няпарнаперыстым лісцем без прылісткаў і буйнымі правільнымі кветкамі. Вяночак кветак белы, жоўты ці чырванаваты раздзельны, большай часткай з вузкай доўгай трубкай, унутры якой сядзяць 2 тычачкі з кароткімі ніткамі; завязь верхняя, якая ператварацца пры паспяванні ў ягаду.