Юрый Фёдаравіч Ступакоў (24 сакавіка 1934, с. Рубцава, Мыцішчынскі раён, Маскоўская вобласць — 24 кастрычніка 1999) — беларускі акцёр. Народны артыст Беларускай ССР (1980).
З 1957 года працаваў у тэатрах Ліпецка, Севастопаля, з 1968 года ў Дзяржаўным рускім драматычным тэатры Беларусі.
Член Беларускага саюза тэатральных дзеячаў з 1969 года.
Выканаўца драматычных і характарных роляў. Мастацтва Ступакова вызначаецца глыбінёй пранікнення ў сутнасць вобраза, спалучэннем драматычнага і камедыйнага пачатку, прастаты знешняга малюнка і псіхалагічнай пераканальнасцю. Сярод роляў у рускім тэатры: Немец («Вяртанне ў Хатынь» паводле А. Адамовіча), Навіцкі, Хазяінаў («Трывога», «Соль» А. Петрашкевіча), Карніла («Знак бяды» паводле В. Быкава), Іван Ільіч («Ноч анёла» А. Разанава), Іван Каламійцаў, Сацін («Апошнія», «На дне[ru]» М. Горкага), Пабеданосікаў («Лазня» У. Маякоўскага), маркіз дэ Шарон («Мальер[ru]» М. Булгакава), Васкоў («А досвіткі тут ціхія…[ru]» паводле Б. Васільева), Макдуф («Макбет[ru]» У. Шэкспіра), Шрусберы («Марыя Сцюарт» Ф. Шылера), Рычард («Усё ў садзе[en]» Э. Олбі) і інш. Здымаўся ў кіно.