Юрый Давыдавіч Бяльзацкі (31 снежня 1909, Варшава — 31 жніўня 1963) — беларускі кампазітар , дырыжор, піяніст.
Скончыў Варшаўскую кансерваторыю па класах кампазіцыі і дырыжыравання (1934). У Беларусі з 1939 года. У 1940—1947 гадах у Дзяржаўным джаз-аркестры БССР, з 1949 года канцэртмайстар Белдзяржэстрады, у 1958—1961 гадах мастацкі кіраўнік і галоўны дырыжор канцэртна-эстраднага аркестра Беларускага радыё.
Сярод твораў музычная камедыя «Даліна шчасця» (паст. 1957); араторыя «Маёй Радзіме» (1963); Сюіта на тэмы польскіх народных танцаў і Балетная сіюта для сімфанічнага аркестра; Канцэрт для скрыпкі з аркестрам (1955), «Ваенная фантазія», Фантазія на тэмы песень У. Алоўнікава (для эстраднага аркестра), музыка да кінафільмаў «Паўлінка», «Зялёныя агні», «Міколка-паравоз», «Дзяўчынка шукае бацьку», «Каханнем трэба даражыць» (усе ў сааўтарстве), «Наперадзе кругы паварот» і інш.
Меў дачку Люцыну, якая ажанілася з беларускім драматургам і тэатразнаўцам Уладзімірам Халіпам.