У Вікіпедыі ёсць артыкулы пра іншых асоб з прозвішчам Вольф. Ю́заф Во́льф (польск.: Józef Ludwik Wolff; 15 снежня 1852, Варшава — 9 жніўня 1900, Гайдэльберг, Германія) — польскі гісторык. Член-карэспандэнт Польскай АН у Кракаве.
У расійскай дарэвалюцыйнай традыцыі Восіп Людвікавіч Вольф (руск.: Осип Людвикович Вольф).
Скончыў Лейпцыгскі ўніверсітэт. Вывучаў архіўныя фонды, прывілеі, хронікі, летапісы. Аўтар прац па генеалогіі і прасапаграфіі ўладарных, княжацкіх і іншых родаў і асоб Вялікага Княства Літоўскага — «Сенатары і саноўнікі Вялікага Княства Літоўскага 1386—1795» (1885), «Род Гедзіміна» (1886), «Князі літоўска-рускія з канца XIV ст.» (1895).