Эмс (ням.: Ems) — рака на паўночным захадзе Германіі. Бярэ пачатак на паўднёва-заходніх схілах гор Теўтобургскі лес, працякае па Паўночна-Германскай нізіне (па землях Паўночны Рэйн-Вестфалія і Ніжняя Саксонія), упадае ў бухту Доларт Паўночнага мора, утвараючы эстуарый даўжынёй 20 км.
Агульная даўжыня 371 км. Сярэдні расход вады вод 80 м ³/с (за 136 км ад вусця).
Злучаная каналамі з басейнам Рэйна, Везера і іншых рэк, з’яўляючыся часткай воднага шляху (месцамі па абводных каналах), які злучае Прырэйнскі прамысловы раён з Паўночным морам. Каля вусця знаходзіцца марскі порт Эмдэн.