Эдуард Адольф Страсбургер (ням.: Eduard Adolf Strasburger; 1 лютага 1844 — 19 мая 1912) — нямецкі батанік польскага паходжання; унёс істотны ўклад у развіццё цыталогіі.
Эдуард Страсбургер нарадзіўся ў 1844 годзе ў Варшаве, у сям’і Эдуарда Багуміла Страсбургера (польск.: Edward Bogumił Strasburger, 1803—1874). Вучыўся ў Парыжы, затым у Бонскім і Іенскім універсітэтах, вывучаючы натуральныя навукі. Доктарскую дысертацыю пісаў у Іене, працуючы пад кіраўніцтвам Натаніэля Прынгсхайма (1823—1894). Стаў доктарам філасофіі ў 1867 годзе пасля абароны дысертацыі ў Варшаўскім універсітэце.
З 1867 годзе — дацэнт батанікі ў Варшаўскім універсітэце, з 1869 — прафесар ў Іенскім універсітэце. З 1881 года — прафесар батанікі ў Бонскім універсітэце.