У Вікіпедыі ёсць артыкулы пра іншых асоб з прозвішчам Томас.
Эдуард Донал То́мас (англ.: Dr. Edward Donnall (Don) Thomas, 15 сакавіка 1920, Март, ЗША — 20 кастрычніка 2012)[7] — амерыканскі ўрач-трансплантолаг, лаўрэат Нобелеўскай прэміі па медыцыне ў 1990 годзе разам з Джозефам Мары «за адкрыцці, якія датычацца трансплантацыі органаў і клетак пры лячэнні хвароб».
Скончыў універсітэт Тэхаса ў г.Осцін (1943). З 1955 года ў Калумбійскім, з 1963 года Вашынгтонскім універсітэтах, з 1975 года ў Цэнтры па вывучэнні раку г. Сіэтл.
У 1956 годзе Томас першым зрабіў перасадку касцявога мозга чалавеку пры лячэнні лейкеміі.
Аўтар навуковых прац па праблемах трансплантацыі касцявога мозга пры парушэннях кроваўтварэння; прапанаваў метады прыгнечання імунітэту (т.зв. праграмы імунадэпрэсіі) рэцыпіента для прадухілення рэакцыі адарвання трансплантанта.
Ганаровы прафесар універсітэта Вашынгтона і анкалагічнага даследчага цэнтра Фрэда Хатчынсана.
Доктар медыцыны (1946).
Томас быў адным з 21 лаўрэатаў Нобелеўскай прэміі, якія падпісалі Другі гуманістычны маніфест.[8]
Памёр ад сардэчнай недастатковасці 20 кастрычніка 2012 года.