Эдвін (вал.: Edwin) (памёр у 1018 годзе) — кароль Дэхейбарта ў 1005 — 1018 гадах, сын Эйніяна, пляменнік Марэдыда і ўнук Оўайна.
У 992 годзе, з мэтай звяржэння свайго дзядзькі, удзельнічаў на баку англасаксаў у набегу на Уэльс, аднак не дасягнуў сваёй мэты. Наступныя гады пражываў у сваім уладанні ў Херэфардшыры. У 1005 годзе, пры дапамозе войска англасаксаў, стаў каралём Дэхейбарта. Верагодна, кіраваў разам з братам Кадэлам і прымтрымліваўся волі англічан. У 1018 годзе яны абодва былі пераможаны Лівелінам, каралём Гвінеда.
Сын Эдвіна ап Эйніяна — Хівел ап Эдвін — кіраваў Дэхейбартам з 1033 па 1043 год[1]. Старэйшы сын Эдвіна ап Эйніяна — Марэдыд ап Эдвін — таксама кіраваў Дэхейбартам у перыяд з 1033 па 1035 год, разам са сваім братам Хівелам[2].