Эдвард Герэк (польск.: Edward Gierek; 6 студзеня 1913, вёска Паромбка, Царства Польскае, Расійская імперыя — 29 ліпеня 2001, Цешын, Сілезскае ваяводства, Польшча) — польскі палітычны дзеяч. Першы сакратар ЦК ПАРП (1970—1980). У 1981 кароткі час знаходзіўся ў зняволенні.
У 1923 г. разам з маці эміграваў у Францыю, дзе ў 1926—1934 гг. працаваў на вугальных шахтах. У 1931 г. уступіў у шэрагі Французскай кампартыі. У 1934 г. за ўдзел у страйку шахцёраў быў арыштаваны і высланы ў Польшчу, дзе неўзабаве быў прызваны ў армію. У 1937 эміграваў у Бельгію, працаваў гарняком на вугальнай шахце. У 1937 г. уступіў у шэрагі кампартыі Бельгіі. Падчас нямецкай акупацыі Бельгіі (1940—1944) удзельнічаў у Руху Супраціву, быў адказным за выпуск польскай падпольнага друку.
У 1980 г. пасля серыі масавых агульнанацыянальных забастовак, праведзеных у знак пратэсту супраць падвышэння коштаў на прадукты харчавання, адпраўлены ў адстаўку. Пасля прыходу да ўлады Войцеха Ярузельскага быў падвергнуты хатняму арышту. Адышоў ад палітычнага жыцця, жыў у правінцыі, займаўся напісаннем мемуараў.
Дэпутат сейма ПНР у 1952—1980 гг.