Чэзарэ Ламброза[5] (італ.: Cesare Lombroso); 6 лістапада 1835, Верона, Аўстрыйская імперыя — 19 кастрычніка 1909, Турын, Італія) — італьянскі турэмны ўрач-псіхіятр, родапачынальнік антрапалагічнага кірунку ў крыміналогіі і крымінальным праве, асноўнай думкай якога стала ідэя аб прыроджаным злачынцы. З 1862 г. прафесар Павійскага ўніверсітэта, з 1896 г. прафесар Турынскага ўніверсітэта. Галоўная заслуга ў крыміналогіі Ламброза заключаецца ў тым, што ён зрушыў акцэнт вывучэння з злачынства як дзеі на чалавека — злачынцу.