Не блытаць з Чуйскай далінай.
Чу́йскі стэп[1] (руск.: Чуйская степь) — міжгорная катлавіна ў Рэспубліцы Алтай, на паўднёвым усходзе Алтая, у верхнім цячэнні ракі Чуя.
Даўжыня катлавіны каля 70 км, шырыня 30—40[2] км. Вышыні 1750—2200 м. З усіх бакоў Чуйскі стэп абмежаваны горнымі хрыбтамі: Курайскім (з поўначы), Паўднёва-Чуйскім і Паўночна-Чуйскім (на захадзе), Сайлюгем (на поўдні) і хрыбтом Чыхачова (на ўсходзе). Катлавіна складзена з ледавіковых і азёрна-рачных адкладаў. Пераважае паўпустынная расліннасць.
Праз катлавіну пралягае Чуйскі тракт (федэральная аўтамабільная дарога Р256).