Чарлз Джэнкс (англ.: Charles Jencks; 21 чэрвеня 1939, Балтымар, ЗША — 13 кастрычніка 2019) — амерыканскі архітэктар, які стаяў ля вытокаў і распрацоўваў тэорыю постмадэрнізму ў сучаснай архітэктуры; архітэктурны крытык; гісторык архітэктуры; аўтар шматлікіх артыкулаў і манаграфій; практыкуючы архітэктар, ландшафтны дызайнер.
У 1961 г. Чарлз Джэнкс скончыў Гарвардскі ўніверсітэт са ступенню бакалаўра (спецыялізацыя па англійскай літаратуры); у 1965 годзе атрымаў ступень магістра мастацтваў у Школе дызайну Гарвардскага ўніверсітэта (англ. Harvard Graduate School of Design); у 1965 годзе абараніў дысертацыю па гісторыі архітэктуры ва ўніверсітэцкім каледжы Лондана.
Чарлз Джэнкс чытаў лекцыі ў многіх універсітэтах па ўсім свеце, у тым ліку ў Пекіне, Шанхаі, Парыжы, Токіа, Мілане, Венецыі, Франкфурце, Квебеку, Манрэалі, Осла, Варшаве, Барселоне, Лісабоне, Цюрыху, Вене і Эдынбургу. У ЗША чытаў лекцыі ў Гарвардзе, Калумбійскім універсітэце, Прынстане, Еле.