Ча́ра (якуцк.: Чаара, руск.: Чара) — рака ў Расіі, у Забайкальскім краі, Іркуцкай вобласці і Якуціі, левы прыток ракі Алёкма (басейн Лены).
Даўжыня ракі 851 км. Плошча вадазбору 87 600 км². Сярэдні расход вады 900 м³/с. Пачынаецца на паўднёвым схіле хрыбта Удакан, з возера Вялікае Лепрындо́. Працякае па Чарскай катлавіне, перасякае хрыбет Кадар, утвараючы парогі.
Сярод прытокаў: Апсат, Сень, Жуя, Лурбун, Інгамакіт, Імалыт і іншыя рэкі і ручаі[1]. Рака суднаходная на адлегласці 416 км (ад вусця да вусця ракі Жуя)[1].
У басейне ракі знаходзіцца адзінае ў свеце радовішча чараіту[2].