Чадыр-Лунга[2] (малд.: Ceadîr Lunga, гаг. Çadır Lunga) — муніцыпій і горад на поўдні Малдовы, размешчаны на рацэ Лунга. Другі па велічыні населены пункт у Гагаузскай аўтаноміі. Колькасць жыхароў складае 16605 чалавек (2014 год), пераважна гагаузы; таксама пражываюць рускія, балгары, малдаване, украінцы, яўрэі і іншыя. У горадзе знаходзіцца чыгуначная станцыя, аўтастанцыя. У горадзе ёсць футбольны клуб «Саксан».