Цюрыхскае возера
Цю́рыхскае во́зера (ням.: Zürichsee, фр.: Lac de Zurich) — возера ў Швейцарыі, знаходзіцца на вышыні 409 метраў над узроўнем мора паміж кантонамі Санкт-Гален, Швіц і Цюрых; плошча 88 км², найбольшая даўжыня 40 км, шырыня ад 1 да 4 км, мае серпападобную форму; на ўсходнім канцы прымае ў сябе раку Лінт, якая цячэ з Гларнскіх Альпаў, з возера выцякае рака Лімат.
Каса ля Гурдэна, якая злучаецца чыгуначнай дамбай з мысам у Раперсвіль, дзеліць возера на дзве няроўныя часткі: меншую — Верхняе возера (Obersee), паміж кантонамі Швіц і Санкт-Гален, і большую частку — Ніжняе возера (Untersee), якая ляжыць у межах кантона Цюрых. Ніжняе — галоўная частка Цюрыхскага возера — адрозніваецца большай глыбінёй (143 м), чым Верхняе, неглыбокае і парослае чаротам.
Па абодвух берагах праходзіць чыгунка. На возеры два вострава: Уфенау і Люцэлау. У 1854 годзе на Цюрыхскім возеры пры Мейлене адкрыты былі першыя ў Швейцарыі палевыя пабудовы.
Суднаходства
Рэгулярныя пасажырскія перавозкі па возеры ажыццяўляе параходства ‘Zürichsee Schifffahrtsgesellschaft. Флот гэтага параходства складаецца з сямнаццаці суднаў, сярод якіх — два старадаўнія колавыя параходы: Stadt Zürich (1909 года пабудовы) і Stadt Rapperswil (1914 года пабудовы).
Таксама на возеры адкрыта аўтамабільная паромная пераправа, паміж Хоргенам і Майленам. Аператар пераправы — кампанія Zürichsee-Fähre Horgen-Meilen AG. На пераправе выкарыстоўваецца пяць паромаў, якія ходзяць з інтэрвалам у 10 хвілін.
Зноскі
Спасылкі
На Вікісховішчы ёсць медыяфайлы па тэме Цюрыхскае возера- Афіцыйны сайт параходства Zürichsee Schifffahrtsgesellschaft
- Афіцыйны сайт паромнай пераправы ürichsee-Fähre Horgen-Meilen AG
- Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).
Катэгорыя·Швіц (кантон)
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Азёры Швейцарыі
Катэгорыя·Азёры паводле алфавіта
Катэгорыя·Санкт-Гален (кантон)
Катэгорыя·Цюрых (кантон)
Катэгорыя·Матэрыялы ЭСБЕ
Катэгорыя·Вікіпедыя·Артыкулы з пераазначэннем значэння з Вікідадзеных