Цзян Цзэмінь

Артыкул пра нядаўна памерлага чалавека. Інфармацыя можа хутка мяняцца за з’яўленнем новых фактаў. Калі ў артыкул унесены шкодныя праўкі, калі ласка, звярніцеся да адміністратараў. Шаблон прыбіраецца з артыкула не пазней як праз 7 дзён пасля смерці чалавека.

Цзян Цзэмінь (江泽民; 17 жніўня 1926, г. Янчжоў, правінцыя Цзянсу, Кітай — 30 лістапада 2022, Шанхай) — дзяржаўны і палітычны дзеяч Кітая, генеральны сакратар ЦК КПК з 1989 па 2002, старшыня Ваеннага савета ЦК КПК з 1989 па 2004, старшыня Цэнтральнага ваеннага савета КНР з 1990 па 2005, старшыня КНР з 1993 па 2003.

Біяграфія

Нарадзіўся 17 жніўня 1926 года ў г. Янчжоў (правінцыя Цзянсу) ў сям’і патомных інтэлігентаў. Дзед быў лекарам, якія вызнаваў кітайскую традыцыйную медыцыну, захапляўся жывапісам і каліграфіяй. Бацька пісаў вершы, у гады антыяпонскай вайны выдаваў патрыятычныя часопісы, уступіў у кампартыю, якая была ў падполлі. Ва ўзросце 28 гадоў загінуў у ўзброенай сутычцы. Цзян Цзэмінь пайшоў па слядах бацькі. Скончыў Шанхайскі політэхнічны інстытут «Цзяатун» (1947). У час вучобы далучыўся да падпольнай працы, у 1946 годзе ўступіў у Камуністычную партыю Кітая (КПК).

Працаваў на інжынерных і кіруючых пасадах на заводах і ў тэхналагічна-даследчых інстытутах, з 1973 года ў апараце 1-га Міністэрства машынабудавання. Стажыраваўся ў СССР (1955—1956), узначальваў групы кітайскіх спецыялістаў у Румыніі (1971—1973; з кітайскай дапамогай там пабудаваны 10 заводаў) і Пакістане (1976). З 1980 года — намеснік старшыні і адказны сакратар Дзяржаўнага камітэта па справах імпарту і экспарту, затым — намеснік старшыні і па сумяшчальніцтве начальнік сакратарыята Дзяржаўнага камітэта па кіраванні замежнымі інвестыцыямі.

3 1982 года — намеснік Міністра, Міністр электроннай прамысловасці КНР. Мэр г. Шанхай (1985—1988), сакратар яго гаркома КПК (1987—89), Член ЦК (1982—2002) і Палітбюро ЦК (1987—2002) КПК. Генеральны сакратар (чэрвень 1989 — лістапад 2002), старшыня Ваеннага савета (з лістапада 1989) ЦК КПК і старшыня КНР (сакавік 1993 — сакавік 2003). Праводзіў курс на паглыбленне рыначных рэформ пры захаванні кіруючай ролі КПК. У 2001 годзе наведаў з афіцыйным візітам Беларусь.

Памёр 30 лістапада 2022 года ў Шанхаі.

Зноскі

1. ↑ Jiang Zemin // SNAC — 2010. Праверана 9 кастрычніка 2017.
2. ↑ Jiang Zemin // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
3. 1 2 告全党全军全国各族人民书 — 2022. Праверана 30 лістапада 2022.
4. ↑ geni.com — 2006. — 175000000 экз.
5. ↑ http://news.sina.com.cn/c/nd/2017-01-09/doc-ifxzkssy1483790.shtml Праверана 26 мая 2021.
6. ↑ Kuhn R. L. The Man Who Changed China: The Life and Legacy of Jiang Zemin — Random House, 2004.
7. ↑ Jiang Zemin returns to spotlight with a salutory couplet to former school — South China Morning Post, 2012. Праверана 20 жніўня 2014.

Літаратура

• Цзян Цзэмінь // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).

	Цзян Цзэмінь у Вікіцытатніку
	Цзян Цзэмінь у Вікікрыніцах
	Цзян Цзэмінь на Вікісховішчы