Хо́дараўцы[1] (трансліт.: Chodaraŭcy, руск.: Ходоровцы) — аграгарадок у Лідскім раёне Гродзенскай вобласці, адміністрацыйны цэнтр Ходараўскага сельсавета.
Размешчаны каля ракі Лебяда, на скрыжаванні дарог на Жалудок, Беліцу, Радзівонішкі. За 42 кіламетры на паўднёвы захад ад г. Ліда, 87 кіламетраў ад Гродна, 15 кіламетраў ад чыгуначнай станцыі Скрыбаўцы.
За 1 км ад вёскі, ніжэй па цячэнні р. Лебяда, паблізу былога хутара Хмелеўшчына прасочваюцца сляды паселішча бронзавага веку.