Хелмі Лідзія Ліндэлёф (народжаная — Хеленіус) (фінск.: Helmi Lindelöf; 25 кастрычніка 1884, Гельсінгфорс, Вялікае княства Фінляндскае, Расійская імперыя — 10 верасня 1966, Хельсінкі, Фінляндыя) — фінская актрыса.
З юнацтва захаплялася тэатрам, у 16-гадовым узросце вырашыла стаць актрысай, брала ўрокі драматычнага майстэрства ў Вольгі Сала і Каролы Авелан. Здзейсніла некалькі паездак за мяжу, дзе стажыравалася ў Тэрэзы Колб у Парыжы і Поля Брунэ ў Жэневе. У 1901 годзе дэбютавала на сцэне Фінскага нацыянальнага тэатра, на сцэне якога грала да 1946 года. Сыграла больш за 240 роляў.
У 1906 годзе выйшла замуж за канцэртмайстра Карла Ліндэлёфа. У 1946 годзе ўзнагароджана медалём Pro Finlandia.