Ханс Фройдэнталь (Hans Freudental, 1905 Лукенвальдэ, Германія - 1990, Утрэхт, Нідэрланды) — матэматык, член Нідэрландскай каралеўскай акадэміі навук, прафесар Утрэхцкага ўніверсітэта, аўтар прац у галіне алгебраічнай тапалогіі.
Ганс Фройдэнталь нарадзіўся ў 1905 годзе ў Германіі. Матэматычную адукацыю атрымаў у Берлінскім універсітэце, дзе вучыўся з 1923 па 1930 год. Доктарскую дысертацыю абараніў у 1930 годзе. Да 1946 года быў асістэнтам Амстэрдамскага ўніверсітэта, а з 1946 г. заняў пост прафесара на кафедры чыстай і прыкладной матэматыкі Утрэхцкага ўніверсітэта. Член Каралеўскай Нідэрландскай акадэміі, замежны член Каралеўскай Фламандскай акадэміі, ганаровы доктар Берлінскага ўніверсітэта.
У матэматыцы Фройдэнталь працаваў у «рамантычным кірунку». Яго навуковай творчасці ўласціва шырыня і разнастайнасць тэм, багацце ідэй і метадаў. Аўтар больш за 200 прац па тапалогіі, тэорыі груп Лі, аналізу, геаметрыі, матэматычнай логіцы, філасофіі і гісторыі навук (у тым ліку кнігі “Лінкас: праект мовы для зносінаў з іншапланетнымі цывілізацыямі). Вядомы таксама як бліскучы папулярызатар і арганізатар шэрагу міжнародных сімпозіумаў.