У Вікіпедыі ёсць артыкулы пра іншых асоб з прозвішчам Ровіна. Хана Ровіна (1 красавіка 1893, Беразіно, Мінская губерня — 2 лютага 1980, Тэль-Авіў) — расійская і ізраільская актрыса тэатра Габіма.
Нарадзілася ў Беразіне, цяпер Мінскай вобласці. Вучылася ў Варшаве, выкладала ў дзіцячым садзе. З 1914 года на тэатральнай сцэне.
Адна з заснавальнікаў тэатра Габіма. Вучаніца Канстанціна Станіслаўскага і Я. Вахтангава. У 1922 годзе Яўген Вахтангаў паставіў спектакль Гадзібук, з Ханай Ровінай у галоўнай ролі. Габіма робіцца акадэмічным тэатрам, спектакль паказваюць у Еўропе і ЗША. З 1918 па 1926 год Х. Ровіна ў складзе Тэатра Габіма працуе ў Маскве. З 1928 года жыла ў Эрэц-Ісраэль. Лаўрэат Дзяржаўнай прэміі Ізраіля (1956).
Дачка — актрыса і спявачка Ілана Ровіна (нар. 1934).