Фіялка апушаная[3], Фіялка кароткаваласістая[4] (Viola hirta) — шматгадовая травяністая расліна роду Фіялка сямейства Фіялкавыя.
Мнагалетнік вышынёй 5-10 см са шматгаловым карэнішчам, з якога вырастаюць ліставая разетка і кветкі.
Лісце з абодвух бакоў пухнатае, на доўгіх хвосціках, яйкападобнае або трохкутна-сэрцападобнае, каля 4 см у даўжыню, з дробнагародкавай аблямоўкай. Летняе лісце буйней, на больш доўгіх хвосціках.
Кветкі на доўгіх кветаножках, абодваполыя, сіметрычныя, без паху. Чашалісцікі яйкападобныя, тупыя, з каротказакругленымі прыдаткамі.
Цвіце ў красавіку-маі.
Распаўсюджаная ў Еўропе ў абласцях міжземнаморскага, умеранага і марскога клімату. На Беларусі трапляецца зрэдку.
Светлалюбівая. Расце на сухіх, пераважна вапнавых глебах: на травяністых палянах, лугах, сярод хмызнякоў, па ўзлесках светлых лясоў.
| яшчэ 34 сямействы (па Сістэме APG III) |
яшчэ каля 200 відаў | ||||||||||||
| парадак Вербакветныя | род Фіялка | ||||||||||||
| аддзел Кветкавыя, ці Пакрытанасенныя | сямейства Фіялкавыя | від Фіялка апушаная | |||||||||||
| яшчэ 58 парадкаў кветкавых раслін (па Сістэме APG III) |
яшчэ каля 15 родаў | ||||||||||||