wd wp Пошук: ⬜

Фёдар Уладзіміравіч Мірачыцкі

У Вікіпедыі ёсць артыкулы пра іншых асоб з прозвішчам Мірачыцкі. Фё́дар Уладзі́міравіч Мірачы́цкі (нар. 6 верасня 1936, в. Баяры Карэліцкага раёна Гродзенскай вобласці - 2020) — беларускі дзяржаўны дзеяч, былы міністр сельскай гаспадаркі, член-карэспандэнт Акадэміі аграрных навук Рэспублікі Беларусь (1992), заслужаны працаўнік сельскай гаспадаркі (1983).

Біяграфія

Працаваў галоўным заатэхнікам саўгаса, з 1964 года — дырэктар саўгаса «Слонімскі» Слонімскага раёна.

З 1969 года — намеснік міністра сельскай гаспадаркі БССР, першы намеснік міністра, потым працаваў намеснікам Старшыні Дзяржплана, першым намеснікам Старшыні Дзяржаграпрама[1].

21 лютага 1991 прызначаны на пасаду Міністра сельскай гаспадаркі і харчавання Беларускай ССР[2].

28 кастрычніка 1994 вызвалены ад пасады Міністра ў сувязі з выхадам у адстаўку[3].

У 1991 годзе быў абраны першым Старшынёй савета ўтворанага АКБ «Белаграпрамбанк», пасля адстаўкі працаваў там на пасадзе намесніка старшыні праўлення.

Навуковая дзейнасць

Аўтар 30 навуковых і навукова-папулярных прац.

Узнагароды

Ордэн Леніна (1966).
Два ордэна Працоўнага Чырвонага Сцяга.
Прэмія Савета Міністраў СССР (1976).

Зноскі

↑ Ведамства БССР, якое на працягу 1986-1991 гадоў выконвала функцыі Міністэрства сельскай гаспадаркі
↑ Пастанова Вярхоунага Савета БССР ад 21 лютага 1991 г. № 625-XII «Аб прызначэнні Міністра сельскай гаспадаркі і харчавання БССР» (руск.)
↑ Пастанова Кабінета Міністраў Рэспублікі Беларусь ад 28 кастрычніка 1994 №146 «Аб вызваленні Ф.У.Мірачыцкага ад пасады Міністра сельскай гаспадаркі і харчавання Рэспублікі Беларусь» (руск.)

Спасылкі