У Вікіпедыі ёсць артыкулы пра іншых людзей з імем Фрыдрых IV.
Фрыдрых IV Гольштэйн-Готарпскі (ням.: Friedrich IV von Schleswig-Holstein-Gottorf; 18 кастрычніка 1671 — 19 ліпеня 1702) — герцаг Шлезвіга, прадстаўнік Гольштэйн-Готарпскай дынастыі.
Нарадзіўся ў замку Готарп. Быў старэйшым сынам Крысціяна Альбрэхта Гольштэйн-Готарпскага і прынцэсы Фрыдэрыкі Амаліі Дацкай.
12 мая 1698 года ажаніўся з прынцэсай Гедвігай Сафіяй Шведскай, і 30 красавіка 1700 года ў іх нарадзіўся сын Карл Фрыдрых — бацька будучага расійскага імператара Пятра III.
Пасябраваў са шведскім каралём Карлам XII, якому даводзіўся стрыечным братам (па маці) і зяцем — быў жанаты на яго сястры.
Фрыдрых IV загінуў падчас бітвы пры Клішаве падчас Паўночнай вайны, змагаючыся на баку Швецыі.